La guerra de las trincheras de TARDI

A guerra é tan horrorosa que é imposible describila con palabras.
Jacques Tardi trata de achegarnos a ela a través dalgunhas historias curtas de soldados reais durante a I Guerra Mundial.

Por David Márquez Salomón.

Mande su hijo a Marte de FERNANDO LALANA

Terceira  e derradeira lectura do grupo de narrativa de 1º e 2º de ESO.

Fixemos esta escolla entre varias opcións por ser unha temática, a ciencia-ficción, que atrae ó alumnado nestas idades.

Sinopse: Estamos no século XXIII. A Terra é un minúsculo planeta dentro do sistema solar. As viaxes dun a outro planeta son unha realidade, así como os avances técnicos e científicos. Elisa, a filla do doutor Lozano, mentres o seu pai ten que trasladarse a un planeta afastado por motivos profesionais, debe pasar todo un curso nun colexio interno de Marte. Desde a súa chegada, todo vólveselle en contra. Os seus compañeiros ponse a mal con ela, os profesores non a entenden... Elisa decide escapar, regresar de novo á capital de Marte e dar co paradoiro do seu pai. Con todo, as cousas non son o que parecen... E é que estamos no século XXIII.




Investigamos sobre o autor e atopamos páxinas interesantes, entre elas a do propio autor:

http://w

ww.fernandolalana.com

 O libro gustou, sobre todo polo novidoso da temática.

Coñecemos curiosidades do planeta Marte




Foi unha lectura que axudou a descubrir unha nova temática e que gustou bastante.

El guardián invisible de DOLORES REDONDO

Derradeira lectura do grupo de Bacharelato e tamén a proposta dun membro do grupo, gran lectora de novela negra.

A trama conta como unha detective española formada no FBI ten que resolver as mortes dunhas nenas que aparecen asasinadas coas mesmas características. Este será só o principio dunha historia apaixonante na que os seres lendarios do Norte conviven con crimes aterradores. Ademais, o lugar onde suceden os feitos é Navarra, co que a historia medra en interese pola cercanía.



Como primeira aproximación investigamos sobre a autora e todo o rebumbio que acompañou a súa publicación.




Neste enlace atopamos información sobre a obra e un vídeo no que a autora nos fala sobre a trilogía sobre o Baztán, o val onde suceden os feitos, onde a realidade e mitoloxía conflúen dunha maneira armoniosa.

As opinións do grupo foron moi positivas, destacando a facilidade da lectura, cun ritmo rápido e unha atmosfera envolvente que atrapa ó lector.


Neste enlace atopamos información sobre a fama que adquiriu a novela que vai ser levada as pantallas dos cinemas.

Relatos de EDGAR ALLAN POE

Derradeira lectura do club de narrativa de 3º de ESO.

De entrada realizamos unha aproximación á figura humana de Poe. Os seus primeiros anos, ó achegamento á novela de terror, a súa rara intelixencia, os escritores e obras que influíron nel (Ivanhoe de Walter Scott e Manfredo de Lord Byron), a perniciosa relación co alcol e coas drogas), o abandono prematuro da universidade, o rexeitamento da súa familia adoptiva cando so tiña dezaoito anos, etc.




Para coñecer máis sobre este personaxe pódense visitar os seguintes enlaces

Vida e obra de Poe

Biografía

Visualizamos tamén este vídeo.





Relatos

Os relatos que imos ler son

El escarabajo de oro

El gato negro

Los crímenes de la calle Morgue

La caída de la Casa Usher

Roteiro BLANCO AMOR

Como vén sendo habitual, todos os anos facemos un roteiro centrado nunha figura senlleira da cultura e das letras galegas. e tocoulle o turno a Eduardo Blanco Amor.

Dúas foron as obras sobre as que traballamos: Os biosbardos e A esmorga. A primeira foi obxecto de estudo nos clubs de 1º, 2º e 3º de Narrativa, 3º de PEMAR e 4º de Diversificación. A esmorga centrouse en 1º de Bacharelato.

Despois de varias sesións durante os recreos sobre as obras, preparamos esta saída a Ourense na que contamos coa colaboración da Concellería de Cultura e Educación do Concello de Ourense, facilitándonos un guía que nos foi presentando os diversos espazos nos que se desenvolveron as andanzas do Castizo, o Bocas e o Mihomes.

Durante o percorrido visitamos a catedral onde puidemos as caracteristicas do románico tardío e a influencia do Maestro Mateo no Pórtico do Paraíso. Posteriormente presenciamos o Belén do escultor Arturo Baltar e que nos mostra  xentes, edificios e lugares recreados nas vivencias do autor. Relacionado con A esmorga e coa amizade con Blanco Amor, Arturo Baltar reflexa no Nacemento a taberna que aparece na obra.

Aproveitando dúas exposicións que había no Museo Municipal, o alumnado puido desenvolver a súa percepción e agudeza artística tratando de comprender a visión do escultor Antonio Souto, que nos amosa un universo abstracto de espazos e volumes coa figura humana como protagonista. A singularidade deste arquitecto reconvertido foi o emprego de materiais como tubos metálicos de diverso tipo. Así mesmo puidemos presenciar unha mostra de xoves valores na exposicón Cromática IV, participando nunha votación para seleccionar o cadro máis valorado da mostra.

E por  último, como ben dicía Cristian (membro do club), "para ter un momento de relax" mergullámonos nas termas públicas de A Chavasqueira, dando por finalizado o roteiro.

Este vídeo é unha pequena mostra do que aconteceu.

Visita á Feira do Libro de Pontevedra

O pasado venres,  día 8 de abril, os membros dos clubes de lectura do instituto participaron nunha visita á Feira do Libro, tal como vimos facendo nos últimos anos. O obxectivo é dobre. Por unha banda visitar as librerías e coñecer as novidades que presentan; e por outra banda seleccionar algúns libros para a Biblioteca do centro, libros que gustan ós lectores.

Este ano contamos cun orzamento bastante xeneroso e ó final puidemos adquirir unha boa cantidade de libros novos para a biblioteca, e que agora están a disposición de todos os lectores. Hainos de tódalas clases e temáticas, polo que seguramente atoparedes algunha novidade que sexa do voso interese.

Ademais grabamos este video que recolle a visita. Nel os alumnos que asistiron recomendan algúns dos libros que escolleron.

E como vén sendo habitual, o Equipo da Biblioteca elaborará a guía de lectura de verán tomando como base as eleccións realizadas nesta Feira.

La estragia del parásito de CÉSAR MALLORQUÍ

Primeira lectura de 4º de Diversificación

Óscar Herrero, nárranos a historia de como a súa vida cambiou, pasando de ser un simple estudante de xornalismo a converterse nun fuxitivo, acusado de violar e asasinar a varias persoas. Pero, é iso certo?.

A historia comeza cando Óscar recibe un sobre dun antigo coñecido, Mario Rocafort. No sobre, ademais dunha carta (onde lle explica que algo grande e catastrófico vai ocorrer si non se fai nada para remedialo), atopa un pendrive con dous arquivos dentro. Un deles chamado camaleón; o outro, Miyazaki. Este último, protexido por unha contraseña que ninguén cre coñecer. Ese obxecto diminuto (o pendrive) será o que cambie a súa vida para sempre. A partir de entón, Óscar, dedicarase a investigar o por que desa carta. Que esconden realmente os arquivos e por que é el, o elixido, para sacar á luz un asunto, a primeira ollada, tan importante.

Pero non o terá nada fácil. A medida que avance nas súas investigacións irase dando máis a coñecer, cometendo, así mesmo, erros irreparables. Será cando Miyazaki, un ser do que pouco se sabe, presénciese na vida de Óscar alegando que, si non lle dá o que quere, é dicir, o pendrive, terá que asumir graves consecuencias. Consecuencias que poden chegarlle ata a perder a vida. Conseguirá cumprir co obxectivo que lle asignou Mario? Ou, pola contra, decidirá darlles o que queren con tal de que a súa vida non corra perigo?

MIYAZAKI VIXÍATE. 
INTERNET É MIYAZAKI
OCÚLTASE. NON PODES VELO. PERO SEMPRE ESTÁ AÍ. 
NON É UN VAMPIRO, PERO ALIMÉNTASE DE TI. 
POR ISO ESCÓNDESE E UTILÍZATEE. 
E, ENTRE TANTO, MEDRA E MEDRA SEN PARAR.

Despois da lectura realizamos unha sesión na aula para comentar tanto a obra como os personaxes e a temática.  E este foi o resultado.