Escarlatina, a cociñeira defunta e Esmeraldina, a pequena defunta de LEDICIA COSTAS

Este dous títulos de Ledicia Costas foron os textos seleccionados para preparar o encontro con Ledicia Costas.

Foron dosu textos que gustaron moito tal e como demostraron nas preguntas formuladas á autora.

Nada de JEAN TELLER

Segunda lectura do Club e que xa fora lida hai dos cursos. Novela na que a autora escribe unha historia sobre adolescentes para adolescentes que buscan respostas na súa iniciación na vida adulta.

Nada importa, nada ten importancia. 

Para que facer nada se nada ten interese. 

Pierre Antón deixa o colexio o día que descobre que a vida non ten sentido. Sóbese a unha ameixeira e declama a berros as razóns polas que nada importa na vida. Tanto desmoraliza aos seus compañeiros que deciden amorear obxectos esenciais para eles co fin de demostrarlle que hai cousas que dan sentido a quen somos. 

Na súa procura arriscarán parte de si mesmos e descubrirán que só ao perder algo se aprecia o seu valor. Pero logo, pode ser demasiado tarde.





A obra dá unha boa visión xeral de todo  que se apoia a sociedade na que estamos: relixión; sexo; a mentira (enganar os pais, por exemplo); crueldade entre nenos; relacións pais - fillos; mercantilización de todo; etc.

Antes de comenzar a lectura o grupo visionou un trailer protagonizado por Janne Teller, que aporta certas claves que lle levaron a escibir esta obra.

Ó finalizar a lectura, os membros do Club realizaron un debate sobre as decisións que tomaron os personaxes e trataron de vivenciar como sería se a elles lles tocase realizar as eleccións, e o máis destacado, que escollerían? 

1º Programa de televisión: Páxina Aberta

Tal e como nos propuxemos logramos crear un canal de televisión titulado Páxina Aberta. Este é un espacio no que os nosos alumnos dos diferentes clubs de lectura, e tamén os profesores, persoal non docente e resto do alumnado  falan sobre o que mais lles gusta: os libros.

Non é porque o teñamos feito dende a Biblioteca, pero debemos dicir que quedou bastante ben. Somos principiantes nesto da TV e, sen dúbida, hai cousas a mellorar (entre outras o son), pero pouco a pouco, con cada novo programa, de seguro que o acadamos. Temos o máis importante para elo: uns alumnos motivados, con iniciativa e moi ben preparados.
Sen mais vos poño o enlace ó primeiro programa de Páxina Aberta.
Desexamos que vos guste.

Farenheit 451 de Ray Bradbury

Lectura realizada polo grupo de Bacharelato. Continuación do ciclo de distopías que se leron neste curso e nas que se incluiron títulos como Recinto gris de Ledicia Costas, La puntuación de Lauren McLaughlin e 1984 de George Orwell. 

Contido que deu lugar a un interesante debate que se presenta a continuación no seguinte audio.

 

Penúltimas tendencias de CARLOS NEGRO

Obra poética rompedora sobre a adolescencia e toda a problemática que envolve ó seu mundo: imaxe corporal, tendencias, acoso, amor... Gustou moito pola súa temática, participando activamente na lectura e comentario dos poemas.

Novela gráfica e Manga

Foi un dos grupos máis numerosos dos clubs de lectura. Levamos xa cinco anos incidindo nesta temática que tanto atrae e da que vai medrando dun xeito espectacular. A experiencia foi moi positiva, porque se conformou unha rapazada do máis diverso tipo: grandes lectores de novela, só adictos ó manga, escasos coñecedores da novela gráfica, alumnado de diferentes niveis (desde 1º ata 1º de Bacharelato) e con ritmos distintos de aprendizaxe. To do isto conferíulle ó grupo un colorido diferente ó dos outros clubs do instituto. Aproveitando o coñecemento que varios membros teñen sobre a temática manga, decidimos facer unha primeira sesión tratando de explicar que é o manga, como naceu, características, temáticas, etc., para alumnos que o descoñecían. Puxemos un vídeo do curso pasado, onde exmembros do club fan dita presentación. Decidimos na primeira reunión elaborar un plan de traballo anual, dividindo o curso en dous apartados. O primeiro cuatrimestre adicámolo ó manga e o segundo, á novela gráfica. Do grupo de manga encargáronse dous compoñentes que se repartiron por temáticas: mahō shōjo, shonen, mecha e spokon. A continuación presentamos algúns dos títulos e traballos realizados polos compoñentes do grupo, que consisten en grabacións en vídeo de opinións das obras lidas. (ver blog)