Roteiro pola Mariña Lucense: lendo a ÁLVARO CUNQUEIRO

O mércores 18 de abril realizamos o roteiro pola Mariña Lucense, homenaxeando ó escritor Álvaro Cunqueiro.

Previamente á viaxe adentrámonos na figura de Álvaro Cunqueiro, indagando sobre a súa orixe e obra, sobre todo relacionándoo coa vila de Mondoñedo. Isto foi a razón pola que diriximos a nosa saída anual cos diferentes clubes de lectura cara a esa zona. Mondoñedo por ser a vila natal do escritor e a abundante historia política e relixiosa; Ribadeo e a Praia das Catedrais polo seu atractivo turístico e histórico.

Elaboramos un documento sobre a biografía e as obras máis senlleiras do autor e seleccionamos as seguintes obras para realizar as lecturas:

• Escola de menciñeiros de editorial Galaxia.
• Os outros feirantes de Galaxia
• Xente de aquí e de acolá, tamén de Galaxia-Narrativa.

Publicamos no blog unha entrevista realizada no ano 80 na TVG, onde se fai un percorrido pola súa vida e o  tempo histórico no que viviu, e pola súa prolífica obra, caracterizada por un xeito particular de narrar e habitada por un universo de personaxes a medio camiño entre o real e o imaxinario, que o sitúan na contorna do realismo máxico.

A dinámica de traballo foi a selección de varios relatos por cada club de  lectura e realizar una posta en común na bibliotecasobre os textos lidos.

Tamén se propuxo o visionado de varios relatos do autor relizados pola TVG. Aquí deixamos o enlace a dous dos que se realizaron a lectura.

 

...

Un feliz mundo novo de Aldoux Huxley

Lectura realizada polo grupo de Bacharelato.


Nela, Huxley emprende un axuste de contas coa civilización tecnocrática da que é orixinario e describe a situación á que tende a sociedade industrializada ó santificar a ciencia e mais a técnica e pólas ó servicio do poder, un poder, por outra banda cada vez máis concentrado, máis reforzado e omnipresente. Pretende ser un aviso, por un lado, en contra das sociedades capitalistas e dos aspectos deshumanizados do «progreso» científico e material, encarnados para o autor na sociedade americana, e por outro, unha crítica pola a ausencia de liberdade e emocións que impiden chegar á felicidade.

Campos de fresas de JORDI SIERRA i FABRA

Derradeira lectura do grupo e que foi seleccionada por comentarios que lles fixeron compañeiros do instituto. Realizamos varias sesións, algunhas de lectura en voz alta, comentando feitos e opinando sobre a reacción dos protagonistas da historia. Dou pé para falar das diversas temáticas que o autor nos amosa: drogas, adolescencia, bulimia, dereito á intimidade...

Como remate fixemos unha mesa redonda No patio interior do centro.

La historia del señor Sommer de Patrick Süskind

Derradeira lectura e que nos amosa un conto en apariencia infantil e naïf, pero que a medida que se foi lendo móstranos un nó con variados puntos de vista.

 A historia do señor Sommer conta a vida dun neno de pobo que ten un estraño veciño, do que ninguén sabe o seu nome, polo que lle puxeron señor Sommer.

Un estraño viandante capaz de facer, pois iso, andar, andar e andar ata que parece que xa non pode máis, e despois, continuar andando. Así pasan os seus días.

 A continuación presentamos un audio onde os compoñentes do club opinan sobre o relato.

Audio

Os fillos do mar de PEDRO FEIJOO

2º Programa de televisión: Páxina aberta

Hola Totems!

Temos novo programa! Costou sacalo adiante, pero xa está aquí.

Páxina Aberta Programa 2

A verdade é que resulta complicado sacar esos 20 minutos de programa. Hai que coordinarse a tope, hai que facer os guións, hai que grabar ás presentadoras, ós que interveñen nas diferentes seccións, hai que montar todo o material, audio por un lado, imaxe por outro, buscar a música, ... E todo esto nos recreos, que non hai outro momento, e con alumnos de diferentes grupos e cursos. Uf!, toda unha odisea.
Xa pensei co primeiro programa que non iamos sobrevivir, pero non só o fixemos, senon que incluso repetimos.
Dende a Biblioteca queremos agradecer a todos os que interviron a súa participación. Sen o seu esforzo non sería posible sacar adiante esta iniciativa. Non hai máis que botar unha ollada ós créditos, ó final do programa, para darse de conta que foron moitos. Temos un grande equipo, non só polo número, senón pola súa calidade. Xa sabemos que non somos profesionais pero, como dicían a nosas presentadoras, "todo se andará".

Pero non cabe deterse demasiado nin andar con complacencias. Como lle diría a Raiña de Corazóns a Alicia Liddell, este é un mundo rápido, no que, se te paras, quedas no sitio. E nós queremos seguir avanzando, queremos seguir cara adiante, en continuo movemento, para que cando nos deteñamos a botar a vista atrás, se nos presente unha paisaxe chea de cousas que fixemos e das que aprendimos.

Unha aperta a todos.


E para os que vos perdestes o primeiro programa aquí tedes un enlace.

Páxina Aberta Programa 1

Escarlatina, a cociñeira defunta e Esmeraldina, a pequena defunta de LEDICIA COSTAS

Este dous títulos de Ledicia Costas foron os textos seleccionados para preparar o encontro con Ledicia Costas.

Foron dosu textos que gustaron moito tal e como demostraron nas preguntas formuladas á autora.