AL OTRO LADO DE LA PANTALLA de Alba Quintas Garciandía

Primeira lectura do grupo. Escollín eu este libro pola temática  e pola cercanía que ten esta actitude entre os adolescentes.

Para a presentación elaborei estes materiais que presento a continuación:

"Ciberacoso. Algúns saben o que é. Outros, non. Agora todos se senten responsables do pesadelo que viviu Luis ao outro lado da pantalla. Medo, indiferenza, covardía, amor.. son algunhas das razóns que os paralizan, que os impiden reaccionar e actuar a tempo. Ata que pasou o que pasou. Hoxe, unha soa pregunta resoa na súa mente: eu tamén puiden paralo?

Con esta novela, merecedora do Premio Jordi Sierra i Fabra 2012 para novos escritores, Alba Quintas Garciandia reflexiona con gran madureza sobre as distintas actitudes que se poden adoptar ante unha situación de acoso.

Segundo de bacharelato é o ano máis difícil para todos. Achégase a temi­da selectividade, pero para Luis iso é o de menos. El sofre ciberacoso. Juan Car­los, o seu mellor amigo, ten parte de culpa, pero Álex, o matón da clase, é o ca­becilla e o peor de todos. Dálle igual o moito que poida sufrir o «chapón» da clase. É o seu obxectivo e nada nin ninguén o fará parar. O odio que ten facía el é máis grande que todo o demais. E o me­jor, dende o seu punto de vista, é que case toda a clase se unÍu a el.

Personaxes
Neste caso, cada capítulo é un personaxe contando como viviu a historia.
1 Juan Carlos, o mellor amigo de Luis.
"Eu son o que empezou todo, sen coñecer as consecuencias que con levarían os meus actos"
2 Estrela, a noiva de Álex.
"Eu son a que sempre soubo o que estaba a pasar e, aínda así, polo que eu cría amor, non fixen nada para paralo. "
3 Manuel, o pai de Luis.
"Eu son o irresponsable que non coidou do seu fillo como debería telo feito e que non merece ser chamado pai. "
4 Alicia, compañeira de clase.
"Eu fun á que Luis intentou protexer, aínda cando nin sequera podía axudarse a se mesmo".
5 Roberto, o profesor.
"Eu son o profesor que intentou paralo todo cando os pais de Luis me pediron axuda, e que non o conseguiu".
6 Álex, o acosador.
"E non me arrepinto do que fixen. Eu nunca me arrepinto de nada".
7 Luis, o acosado.
"Nunca quixen que todo aquilo pasase, por iso non intentei defenderme.
Último capítulo...

Frases do libro para comentar:

"Xuro solemnemente que as miñas intencións non son boas".

"Pero por desgracia, coa miña inocencia, eu só comezara o que se convertería no peor dos pesadelos para o meu mellor amigo. "

"Ás veces non se dan conta de que ao outro lado da pantalla, aínda que non poidan mirala á cara, hai unha persoa con sentimentos".


Con este vídeo móstrase un exemplo da dobre cara desta conducta:




Paralelamente sucedera o tráxico accidente de Arancha, producido en abril, en Madrid.

http://ccaa.elpais.com/ccaa/2015/05/25/madrid/1432577220_577489.html

Elaboramos entre os membros un power point sobre o ciberacoso




Estas son imaxes da segunda sesión deste libro

YO SOY MALALA de Christina Lamb e Malala Yousafzai

Primeira selección do Club de 1º de bacharelato.

“Tenía miedo de ir a la escuela porque han publicado un edicto prohibiendo a todas las chicas ir al colegio. Solo 11 estudiantes fueron a clase, de un grupo de 27… Camino a casa escuché a un hombre diciendo ‘Te mataré’…”

Este libro trata sobre a loita pola igualdade e a educación da muller, o combate entre a liberdade e a dignidade. Conta a historia da idealista e soñadora Malala Yousafzai, que con quince anos é tiroteada polos talibáns por mor da defensa do dereito da educación das nenas.

Nesta autobiografía fai un repaso a historia e da cultura da etnia pasthún, continúa coa historia familiar e finaliza co seu atentado. 

Durante as sesións da lectura adentrámonos na historia de Afganistán, analizando as diferentes etnias, o fundamentalismo relixioso e a defensa dos dereitos á educación.







Foi un libro que non deixou indiferentes ós alumnos, onde se punido comprobar o respecto ó diferente, as estratexias contraditorias de moitos políticos e países e ,sobre todo, admirar a defensa dos dereitos da educación, que non deixa de ser tamén unha loita de cada un de nós.