domingo, 8 de mayo de 2022

Roteiro literario pola cidade de Ferrol

 



 Roteiro literario por Ferrol

Benvidos de novo ós circuitos literarios dos clubs de lectura do IES A Xunqueira II de Pontevedra.

NUEVA APERTURA EN EL FERROL (A CORUÑA)

 

Despois de dous anos de parada obrigatoria, retomamos con moita ilusion estas visitas. e desta vez escollemos a cidade de Ferrol pola gran variedade cultural que nos ofrece.


Será unha visita guiada en xornada completa co seguinte programa: 

  • 10:30 Visita guiada ao Arsenal Militar de Ferrol. 
  • 11:45 Visita guiada ao Museo Exponav (Museo da Construcción Naval).
  • 13:00 Paseo literario polo centro de Ferrol.
  • 14:00 Tempo libre para comida (Parque Raiña Sofía ou outra zona no centro). 
  • 15:30 Recollida do grupo co bus para ir ao Castelo de San Felipe.
  • 16:00 -17:15 Visita guiada polo Castelo. 
  • 17:45 Visita guiada polas Meninas do barrio de Canido.
  • 19:00 Final da visita e saída de Ferrol.
 
 
 Este será parte do itinerario que realizaremos pola mañá:
 
 
 

 

1. Praza de Galicia

Alí está o teatro Jofre que marcou ó afamado escritor Gonzalo Torrente Ballester que entre outras cousas foi crítico teatral. De feito o seu primeiro escrito foi unha obra de teatro e fixo cinco máis aínda que nunca chegaron a representarse e alí está a entrada do Arsenal. O seu pai foi mariño e o tamén quixo selo, pero como era moi miope soubo que non podería seguir os pasos do seu pai e envorcouse na literatura.

Un día como hoy nació Torrente Ballester, un escritor ...



Gonzalo Torrente Ballester (1910-1999)

Foi un dos grandes escritores españois que deu o século  XX.  Despois duns comezos difíciles, Torrente foi logrando facerse un sitio nos primeros lugares da literatura española, como o testemuñan  os recoñecementos recibidos no último terzo da súa vida:  membro da RAE, Premio da Crítica e Premio Nacional de Literatura, Premio Príncipe de Asturias, Premio Planeta,  Premio Azorín, Premio Cervantes, Doutor “ Honoris Causa” por varias Universidades españolas e estranxeiras, traducido a todas  as linguas cultas, e, ademais, recoñecido e admirado entre o  gran público polo éxito popular que obtivo a adaptación  televisiva da súa triloxía Os gozos e as sombras, emitida ao longo  do ano 1982. Estamos, sen dúbida, ante un dos máis grandes novelistas da segunda metade do século  XX.


 “Eu son un galego de Ferrol”, foi o seu  autodefinición nalgunha entrevista xornalística.

Afirmaba que podía haber creado un libto titulado "Ferrol me hizo", porque lo más importante, lo fundamental, lo que me sostiene como hombre y como ciudadano y lo que me alimenta como escritor, aquí, en Ferrol, me ha llegado; aquí lo he incorporado a mi vida, aquí me ha educado y modificado”.


2. Casa natal de Concepción Arenal (1820-1893)

Escritora e  penalista, foi unha das mulleres que maior relevo alcanzou durante o século  XIX, grazas á súa extraordinaria capacidade intelectual, o seu temperamento inquieto e o seu incansable traballo en favor dos sectores sociais máis desprotexidos naqueles anos: mulleres, orfos, delincuentes, pobres, escravos… Muller que loitou de forma  denodada e conmovedora para que as xeracións posteriores á súa vivisen nunha sociedade máis xusta e equitativa.

"Abride escolas e pecharanse cárceres",

"Todas as cousas son imposibles, mentres o parecen" 

CONCEPCIÓN ARENAL: 200 aniversario de su nacimiento en 2020.

"A sociedade non pode en xustiza prohibir o exercicio honrado das súas facultades á metade do xénero humano".

Con 21 anos quixo asistir á universidade. Pero non ía ser sinxelo, tivo que facelo disfrazada de home, como nunha comedia adolescente de enredo cada día ataviábase con pantalóns,  levita e chapeu. Pillárona, claro. E segundo conta a lenda,  o reitor comprometeuse a realizarlle un exame. Se o aprobaba podería continuar as clases. Aprobou, claro, e puido seguir asistindo a clase xa cunha vestimenta feminina, pero sen a mesma liberdade que os seus compañeiros. A filósofa Amelia  Valcarcel descríbeo así : “A súa asistencia ás clases non estaba exenta dun ritual que a día de hoxe sóanos canto menos estraño. Debía chegar sempre acompañada dun familiar, quen entregaba a súa custodia ao  bedel, encargado de trasladala á aula, onde sentaba nunha área diferenciada do resto dos seus compañeiros. Entre clase e clase, tamén permanecía illada, e era o profesor o encargado de ir recollela antes de comezar a sesión.”

Non puido matricularse, examinarse nin obter titulación algunha. Era 1834, as mulleres aínda tardarían trinta anos en ser admitidas nas universidades, pero ela abrira un pequeno suco sobre o que se erixiría un gran camiño. (Eva Güimil, Vanityfair)


3. Casa natal de Aurora Rodríguez  Carballeira, nai de  Hildegart. 

Torrente menciona a súa historia nalgunha das súas novelas aínda que con nomes ficticios. Daquela a historia de  Hildegart e a súa nai foron inspiración de moitas novelas e películas de diferentes autores.


4.Xardíns de Herrera, con visitas ao Arsenal e estaleiros. 

Segundo dicía Torrente:


“Antes de marcharme, percorro as rúas onde vivín e xoguei. A estatua de Jorge Juan e as súas  magnolios seguen afortunadamente no seu sitio (non pode dicirse o mesmo doutras estatuas e doutras árbores). Desde o paseo de Herrera pódese contemplar o Arsenal case enteiro: masas grises sobre o fondo gris do ceo. Non se se será porque o amo, pero é a única paisaxe industrial que me parece fermoso” (Cadernos da Romana, ed. Destino, páx. 71)


5.  Praza  Vella.

Á beira da casa natal de Carvalho Calero que nola fai revivir como o viviu na na súa nenez con este fermoso poema:

"Praza vella, mariñeira,
cada baixo unha taberna.
Nos balcós de pau azul
sécanse ao vento e ao sol
as roupas dos mariñeiros,
brancas de río e xabrón.
Do parque chegan cornetas,
e no paxe o peixe fresco
que atracou nas Curuxeiras.
Nas sellas levan a fonte
as mulleres dos boteiros,
nais de lerchas e rillotes.
Ben perto está a mar de alí
e o tranvía é unha buceta,
leme teso, e vir e vir".

Carvalho Calero, Ricardo. Ferrol (La Coruña), 30.X.1910 – Santiago de Compostela (La Coruña), 25.III.1990. Escritor, historiador da Literatura, crítico literario, filólogo e  lingüista.

 

Evento: De Carballo a Carvalho. Percursor por la vida y ...

 

6. Parque Raíña Sofía

Varias esculturas de ilustres galegos e ferroláns  (Rosalía de Castro, Concepción Arenal, Benito Vicetto, Felipe Belo Piñeiro) e  rei Carlos III. 

Está previsto xantar aquí. 

 

Pola tarde seguiremos co itinerario previsto.

lunes, 17 de junio de 2019

Visita ás librarías de Pontevedra

Xa forma parte das nosas saídas e non faltamos á cita coa ás librarías de Pontevedra.




En cada unha delas ben pediron información sobre as novidades editoriais, ben xa ían co seu libro pensado para mercar e que nos gustaría que estivese na biblioteca para compartilos cos seus compañeiros.



 Despois falamos en grupo sobre os motivos da compra dese libro. Un dos días máis esperados.

miércoles, 12 de junio de 2019

Club de Francés



Creouse esta nova sección coa intención de utilizar novas vías de para o dominio da Lingua Francesa dentro do alumnado.

Os titulos propostos foron cómics con diverso grado de dificultade como Tintín de Hergé, Corto Maltese de Hugo Pratt, Lucky Lucke de Morris, Kidd Paddle de Midam para os máis avanzados ou Boule et Bill de Jean Rocha, Le chat de Philippe Geluck, Le petite Spirou de Tome para os primeiros cursos de Eso.









Realizábanse reunións quincenais cunha metodoloxía participativa: as obras seleccionadas servieron de fío condutor para unha conversación informal. Algunhas componentes realizaron as súas opinións en francés sobre varios títulos propostos, aínda que se constatou a dificultade de facela totalmente en lingua francesa polo que se realizaba en galego ou castelán. Marcouse o obxectivo de faceren as lecturas en voz alta aos pais e nais.




A experiencia gustou e os participantes decidiron seguir coa formando parte do club para o vindeiro curso, tratando de que a lingua de comunicación sexa o francés.

Para ver máis fotos pincha aquí.

 

lunes, 10 de junio de 2019

Club de lectura de Manga e Cómic





Foi un dos grupos máis numerosos dos clubs de lectura. Levamos xa seis anos nesta temática que tanto atrae e da que vai medrando dun xeito espectacular.