Libros lidos neste curso
Tamén leron os libros escollidos na saída ás librarías. Pódense ver no vídeo as eleccións dos membros do grupo, así como o motivo da escolla.
Sobre a lectura dos libros propostos realizamos varias sesións de seguimento e postas en común das dúas primeiras lecturas. Non puidemos realizar a de Marina. Infuíu o excesivo número de membros deste club, que dificultaba a planificación de reunións. Este aspecto está tamén reflectido nas opinións que aparecen no blog, así como no apartado de avaliación.
Realizouse a primeira reunión para comentar a obra 22 segundos de Eva Mejuto e posteriormente tivemos un interesante encontro coa autora na biblioteca do instituto. Comentou todo o proceso creativo, as fontes consultadas e reflexións sobre a realidade transexual os prexuízos aínda existentes.
Coa autora de Senlleiras, Antía Yáñez, tivemos o encontro no Salón do Libro de Pontevedra, xunto cos outros clubes de 1º e 3º-4º de narrativa.
Opinión sobre o funcionamento do club. 