Roteiro cultural pola cidade de Lugo

Como vén sendo habitual, todos os anos facemos un roteiro centrado na visita a unha cidade galega e coñecer autores que deixaron a súa pegada literaria. A escollida foi Lugo.

Da man de ”Nomenklaturas. Gestión Cultural”, empresa especializada en eventos, acordamos a realización dunha visita histórica (herdanza romana e a catedral románica) e literaria, baseada nas figuras de Ánxel Fole e Rosalía de Castro. Ámbos os dous teñen unha vinculación coa cidade de Lugo xa que ou ben pasaron a meirande parte da súa vida vinculados a ela, como é o caso de Fole, ou ben a tiveron como lugar de residencia durante un período de tempo, como é o caso de Rosalía.

De Fole seleccionáronse

Sobre Rosalía, a visita xirou a súa estancia na cidade e a redacción de artigos nos que supostamente criticaba á Igrexa e aos estudantes do Seminario ou cando en en 1866, publica un artigo chamado Las literatas. Carta a Eduarda, onde fala sobre os prexuízos sociais existentes cara as mulleres escritoras. O ensaio, de apariencia epistolar, foi supostamente atopado pola autora paseando un día polas aforas da cidade.

Elaboráronse varios dosieres tanto da ruta literaria como da visita ó Lugo histórico.


 

                             

Encontro co debuxante LUIS DAVILA

Este ano tivemos o privilexio de contar con Luis Davila, debuxante, que veu á biblioteca para falarmos da súa profesión, das súas viñetas e dos seus personaxes máis característicos para celebrar o Día da Lingua Materna.

E falounos de como chegou a este oficio de contar a realidade e a actualidade a través de tiras cómicas, que inspira as súas creacións, como ten que poñer o maxín a funcionar para poder enviar unha viñeta diaria ao xornal para o que traballa desde fai vinte anos, o Faro de Vigo. Destacou a sorte de dedicarse ao que a un lle gusta e que hai que pelexar para conseguilo.


E mentres nos contaba cousas, foi debuxando unha viñeta dedicada aos alumnos do IES A Xunqueira II. Para rematar, mostrámoslle a aula de Debuxo do centro, que desde ese día ten nome: Luis Davila.

Os membros do club de cómic leron algunhas das súas obras.