ESTUPOR Y TEMBLORES de Amèlie Nothomb

  Primeiro libro escollido polo grupo de Bacharelato. Esta novela de inspiración autobiográfica, que obtivo un enorme éxito en Francia, conta a historia dunha moza belga que empeza a traballar en Tokio nunha gran compañía xaponesa. 

Pero no Xapón actual, fortemente jerarquizado, a moza ten o lastre dun dobre hándicap: é occidental e muller, o cal a converterá en branco dunha fervenza de humillacións e dunha progresiva degradación laboral que a levará a pasar da contabilidade a servir cafés, ocuparse da fotocopiadora e finalmente encargarse da limpeza dos lavabos masculinos.

Previsualizouse un vídeo  sobre a vida da protagonista para fomentar a participación na primerira sesión.

Enlace ó vídeo

REBELDES de Susan E. Hinton

Primeira lectura deste grupo e que foi escollido pola temática e despois de visionar as primeiras imaxes do film de Francis Ford Coppola. Chamounos a todos a atención a actualidade dun libro como Rebeldes. A pesar de ser escrito en 1966, as circunstancias e os conflitos que nel se describen conectan moi ben cos adolescentes da actualidade.

A iso únese a sorprendente revelación que supón para os alumnos o saber que a súa autora, Susan E. Hinton,  escribiu o libro con tan só 16 anos.

A súa linguaxe sinxela e clara, o seu realismo na descrición dos caracteres e das situacións fixeron unha agradable lectura que acabou por atrapar ós membros do Club.

EL SILENCIO DEL ASESINO

Primeira lectura para este grupo que se iniciaba na súa maioría no Club. Elexíuse esta novela porque mestura intriga, suspense e certas doses de novela negra.

Na primeira sesión falamos da autora Concha López Narváez, entramos no seu blog e o alumnado comprobou a súa dilatada bibliografía.

A obra gustou moito, sobre todo pola intensidade argumental que paseniñamente ía en crescrendo e que desembocou nun desenlace tan inesperado como sorprendente.

Ao finalizar a lectura visualizamos un vídeo que recrea a trama do libro, pero cambiando o xuizo (no que se vai coñecendo os detalles)  por un traballo conxunto de dous policías.